erimedia_ravk/hzf-FzPSg.jpeg

საზოგადოება „ქართული“ - კატეგორიულად ვგმობთ ევროპელი პარლამენტარების უდიერ დამოკიდებულებას ჩვენი ქვეყნის სუვერენიტეტისა და ხალხის მიმართ

ამბები
საზოგადოება „ქართული“ - კატეგორიულად ვგმობთ ევროპელი პარლამენტარების უდიერ დამოკიდებულებას ჩვენი ქვეყნის სუვერენიტეტისა და ხალხის მიმართ
ამბები

საზოგადოება „ქართული“ - კატეგორიულად ვგმობთ ევროპელი პარლამენტარების უდიერ დამოკიდებულებას ჩვენი ქვეყნის სუვერენიტეტისა და ხალხის მიმართ

erimedia_ravk/hzf-FzPSg.jpeg
15 მაი

საზოგადოება „ქართული“ კატეგორიულად გმობს ევროპელი პარლამენტარების ამგვარ უდიერ დამოკიდებულებას ჩვენი ქვეყნის სუვერენიტეტისა და ხალხის მიმართ, – ამის შესახებ საზოგადოება „ქართულის“ მიერ გავრცელებულ განცხადებაშია ნათქვამი.

როგორც საზოგადოება „ქართულის“ განცხადებაშია ნათქვამი, განსაკუთრებით მიუღებელი იყო გერმანიის ბუნდესტაგის საგარეო საქმეთა კომიტეტის თავჯდომარის განცხადება.

„საქართველოს დამოუკიდებლობის მოპოვებიდან დღემდე არაერთი დრამატული დღე უნახავს, მაგრამ რაც გუშინ პარლამენტის წინ ვიხილეთ, მაინც გამაოგნებელი იყო. მეგობარი ქვეყნების პარლამენტარები მომიტინგეების წინაშე გამოვიდნენ და სრულიად არაევროპულად მოუწონეს კონსტიტუციური ჩარჩოდან გასვლისა და გადატრიალების მცდელობები. „ევროპულ ნაკრძალში“ მცხოვრები პარლამენტარების ასეთი ქედმაღლური დამოკიდებულება „ევროპის მეორეხარისხოვანი“ ხალხების მიმართ არახალია, მაგრამ გუშინდელმა მათმა ქცევამ გადათელა ეთიკის, დიპლომატიის, პარტნიორობისა თუ მეგობარი ქვეყნის ელემენტარული პატივისცემის ყოველგვარი ჩარჩოები. საზოგადოება „ქართული“ კატეგორიულად გმობს ევროპელი პარლამენტარების ამგვარ უდიერ დამოკიდებულებას ჩვენი ქვეყნის სუვერენიტეტისა და ხალხის მიმართ. განსაკუთრებით მიუღებელი იყო გერმანიის ბუნდესტაგის საგარეო საქმეთა კომიტეტის თავჯდომარის უტიფარი განცხადება, რომლის თანახმად, ის ვერ ხედავს „საქართველოს ნათელ მომავალს საქართველოს მართლმადიდებლურ ეკლესიასთან ერთად, რომელიც ერთ-ერთი მჭიდრო მოკავშირეა მმართველი პარტიის“. ქართული სახელმწიფოს არსებობის მრავალსაუკუნოვანი ისტორიის მანძილზე ქართული მართლმადიდებლური ავტოკეფალური სამოციქულო ეკლესია ყოველთვის უმნიშვნელოვანეს როლს თამაშობდა ქვეყნის პოლიტიკურ, სოციალურ და კულტურულ ცხოვრებაში და დღესაც ქართველი ერის იდენტობის, ეროვნული თუ სულიერი ფასეულობების დაცვის უმნიშვნელოვანესი ინსტიტუტია.

გვინდა, შევახსენოთ ყველა მეგობარსა თუ პარტნიორს, რომ საქართველო, რომელიც მიილტვის ევროკავშირის წევრობისკენ, დაინტერესებულია ევროპული ფასეულობების გაზიარებით, როგორებიცაა: დემოკრატიული მმართველობა, ადამიანის უფლებების და თავისუფლებების დაცვა, დამოუკიდებელი და მიუკერძოებელი მართლმსაჯულება, ეფექტური მმართველობა, ძლიერი საბაზრო ეკონომიკა და სოციალური სახელმწიფო. ეს არის ქართველი ხალხის ისტორიული არჩევანი, რომელსაც უდიდეს ზიანს აყენებს ევროპარლამენტარების ასეთი გამოხტომები, პოლიტიკური სპეკულაცია, ზეწოლა და ე.წ. აგრესიული ნეოლიბერალური იდეოლოგიების ჩვენზე თავს მოხვევის მცდელობები. ჩვენთვის მიუღებელია ის, რომ საქართველოში მიმდინარე პოლიტიკურ პროცესებში მიზანმიმართულად გარედან ხდება იდეოლოგიური შეტევა ეკლესიაზე და სარწმუნოებაზე. ამის ნათელი მაგალითი ვიხილეთ გამჭვირვალობის შესახებ კანონის საწინააღმდეგო აქციებზე, როდესაც ოპოზიციური პარტიების ახალგაზრდა აქტივისტები შეეცადნენ, შეეცვალათ მათთვის უკვე დრომოჭმული ილიასეული ტრიადა „ენა მამული სარწმუნოება“ – ენა, მამული, ერთობით. საქართველო, როგორც უძველესი ტრადიციების მქონე სახელმწიფო, რომელსაც ევროპულ კულტურასთან სწორედ ქრისტიანული ფასეულობები აკავშირებს, უცილებლად გახდება ევროკავშირის სრულფასოვანი წევრი, რომელიც არასდროს იტყვის უარს მრავალი თაობის მიერ სისხლით მოპოვებულ ეროვნულ სუვერენიტეტზე, სახელმწიფოებრიობაზე, სარწმუნოებაზე და ქართულ ოჯახზე, მოსწონს ეს თუ არა ბატონ როთის, რომელიც, როგორც მედიიდან გახდა ცნობილი, ლგბტ თემის წარმომადგენელია. წარმოგვიდგენია, თუ რა რეაქციები ექნება მას პარლამენტში შესულ ახალ კანონპროექტზე, რომელიც სწორედ რომ ლგბტ პროპაგანდის წინააღმდეგაა მიმართული. ჩვენი საუკეთესო პასუხი ბატონი როთის გამოხტომაზე იქნება 17 მაისს, ქართული ოჯახის დღეს ჩვენი ევროპელი მეგობრებისა და მოკეთეებისთვის ჩვენი ერთიანობის მძლავრი დემონსტრირება“, – ნათქვამია განცხადებაში.

ლატვიის, ლიეტუვის, ესტონეთისა და ისლანდიის საგარეო საქმეთა მინისტრები ბაიბა ბრაჟე, გაბრიელიუს ლანდსბერგისი, მარგუს ცაჰკნა და თორდის კოლბრუნ რეიკფიორდ გილფადოტირი საქართველოში ჩამოვიდნენ.

ამასთან, გერმანიის ბუნდესტაგის საგარეო საქმეთა კომიტეტის თავმჯდომარემ, მიხაელ როთმა პრესკონფერენციაზე განაცხადა: „როგორ შეძლებთ, შექმნათ ნათელი მომავალი ახალგაზრდა თაობის გარეშე? მხოლოდ მართლმადიდებელი ეკლესიით, რომელიც მმართველი პარტიის უახლოესი მოკავშირეა? კარგი, სცადეთ“.

ხშირად ნანახი
Სარეკლამო
Სარეკლამო
მეტი სიახლეები ამბები
ირაკლი გოგავა - არ შეიძლება უცხო ქვეყანაში აღზრდილი იყოს ხელისუფლებაში მაღალ პოზიციაზე, ვინც არ უნდა დაგვაძალოს მისი დანიშვნა ან არჩევა. ასეთი ხალხი ყოველთვის მის აღმზრდელ ქვეყანას ემსახურება
26 მაისს საქართველო დამოუკიდებლობის დღეს აღნიშნავს
ბაქო-თბილისი-ყარსის რკინიგზის მოდერნიზებული მარშრუტით პირველი სატვირთო მატარებელი თურქეთში ჩავიდა
სახალხო დამცველი რატი იონათამიშვილის გამოსახულებით ფოტომონტაჟის გავრცელებას ეხმაურება სახალხო დამცველი რატი იონათამიშვილის გამოსახულებით ფოტომონტაჟის გავრცელებას ეხმაურება
კანონპროექტის მიხედვით, აშშ სანქციებს უწესებს ნებისმიერ პირს, რომელიც 2012 წლის პირველ იანვარს ან მის შემდეგ მუშაობდა პარლამენტის წევრად, აპარატის უფროს თანამშრომლად, ან იყო ან არის მოქმედი ან ქართული პოლიტიკური პარტიის ყოფილი მაღალჩინოსანი
Სარეკლამო
შალვა პაპუაშვილი - დარწმუნებული ვარ, დეზინფორმაციის კამპანიის მსგავსად, გამჭვირვალობის კანონზეც დრო აჩვენებს, რომ მისი მიზანია გამოწვევების წინაშე მდგარი საქართველოს მედეგობის გაძლიერება
„ქართული ოცნება“ - ქვეყნის სუვერენიტეტითა და უსაფრთხოებით ვაჭრობას არ ვაპირებთ, შანტაჟი ვერ გვაიძულებს, გადავდგათ ქვეყნის საწინააღმდეგო ნაბიჯი, სანქციები თავად სანქციის დამწესებელს აზიანებს
შვიდი ოპოზიციური პარტიის განცხადება - აშშ-ის მხარდაჭერა მოქალაქეების პროტესტის დამსახურებაა, ვაფასებთ აშშ-ის ძალისხმევას ჩვენი ქვეყნის ევროატლანტიკური მომავლის დაცვის საქმეში
ლევან ხაბეიშვილი - მადლობა ამერიკის შეერთებულ შტატებს ქართველი ხალხის მხარდაჭერისთვის
ალექსეი გონჩარენკო - ჩვენ უნდა ვიმოქმედოთ, შეგვიძლია, საქართველოში წავიდეთ, ქართველებო, იბრძოლეთ თავისუფლებისთვის
მეტის ჩვენება
Სარეკლამო