სერგეი ლავროვი - კარგი იქნება, სომხეთის ხელმძღვანელობამ გადახედოს, როგორ ეპყრობოდა აშშ მათ, ვის მოქცევასაც თავისი ფრთის ქვეშ ცდილობდა, ამიერკავკასიაში რუსეთის ინტერესების იგნორირება შეუძლებელია
![erimedia_ravk/D84DGAZSg.jpeg](https://cdn.u.media/max/w728/erimedia_ravk/D84DGAZSg.jpeg)
რუსეთის საგარეო საქმეთა მინისტრმა, სერგეი ლავროვმა სომხეთის ხელმძღვანელობას ურჩია, შეერთებულ შტატებზე დაყრდნობილი ქვეყნების ბედი გაიხსენონ. ამის შესახებ მან რუსულ სახელმწიფო სააგენტო „ტასთან“ ინტერვიუში განაცხადა.
კითხვაზე, შეიძლება თუ არა, სომხეთმა დაკარგოს რუსეთი, ლავროვმა განაცხადა, რომ ერევანში რამდენიმე წამყვან პოლიტიკოსს სურს მსგავსი სცენარი და დასავლეთისკენ იყურება.
„თუ ისინი ეყრდნობიან შეერთებულ შტატებს, როგორც პირდაპირ გამომდინარეობს სომხეთის ხელმძღვანელობის მრავალი წარმომადგენლის განცხადებებიდან, მაშინ, ალბათ, კარგი იქნება მათთვის, გადახედონ უახლეს ისტორიას, როგორ ეპყრობოდა შეერთებული შტატები მათ, ვისაც ცდილობდა თავისი ფრთის ქვეშ აეყვანა, რადგან ის ახორციელებდა თავის გეოპოლიტიკურ ინტერესებს მსოფლიოს ისეთ ადგილებში, რომლებიც შორს არის ამერიკის სანაპიროებიდან. ყველა ამ ხალხის ბედი ძალიან, ძალიან ბუნდოვანია“, – აღნიშნა ლავროვმა.
მისივე თქმით, რუსეთის ფედერაციის გეოპოლიტიკური ინტერესების იგნორირება ამიერკავკასიაში შეუძლებელია.
„ისტორიულად, გეოგრაფიულად, გეოპოლიტიკურად რუსეთის ინტერესების სრული იგნორირება, მისი დაკარგვა ამიერკავკასიაში შეუძლებელია, მაგრამ ზოგიერთ ლიდერს ერევანში აქვს ასეთი იმედები და ამაზე პირდაპირ საუბრობენ“, – განაცხადა ლავროვმა.