მოსკოვი მზადაა უკრაინაზე მოლაპარაკებისთვის, მაგრამ ადგილზე არსებული რეალობის და რუსეთის უსაფრთხოების ინტერესების გათვალისწინებით. ამის შესახებ რუსეთის საგარეო საქმეთა მინისტრმა სერგეი ლავროვმა სააგენტო TASS-თან ინტერვიუში განაცხადა.

"ჩვენი პოზიცია ძალაში რჩება: მზად ვართ მოლაპარაკებისთვის, მაგრამ იმ რეალობის და ჩვენი პოზიციის გათვალისწინებით, რომელიც ყველასთვის კარგად არის ცნობილი. ასევე ჩვენი ინტერესების, ჩვენი უსაფრთხოების ინტერესების გათვალისწინებით, რომელიც გულისხმობს იმასაც, რომ რუსეთის საზღვრებთან არ მოხდეს მტრული ნაცისტური რეჟიმის ჩამოყალიბება, რომელიც ღიად აცხადებს, რომ მათი მიზანია ყველაფერი რუსულის მოსპობა იმ მიწებზე, სადაც საუკუნეებია, რუსი ხალხი ცხოვრობს“, – განაცხადა ლავროვმა.

მანამდე, სერგეი ლავროვი აცხადებდა, რომ რაც უფრო დიდხანს აჭიანურებს კიევი მოსკოვთან მოლაპარაკებებს, მით უფრო რთული იქნება მოლაპარაკება. მისი თქმით, ასეთი კონტაქტებისთვის პირველი ნაბიჯი უნდა იყოს უკრაინის პრეზიდენტის, ვოლოდიმერ ზელენსკის განკარგულების გაუქმება მოსკოვთან დიალოგის აკრძალვის შესახებ.