რუსეთს აქვს ინფორმაცია, რომ იგეგმება "თურქული ნაკადის" და "ლურჯი ნაკადის" გაზსადენების აფეთქება, - ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.

საგარეო საქმეთა მინისტრმა განმარტა, რომ შავი ზღვის იმ ტერიტორიებთან, სადაც გაზსადენები გადის, რუსული ფლოტი პატრულირებს.

"ისინი ცდილობდნენ სამხედრო გემების აფეთქებას, რომლებიც "თურქული ნაკადის" და "ლურჯი ნაკადის" გაზსადენების გამავალ მარშრუტზე პატრულირებდნენ. შავი ზღვის ამ მონაკვეთებზე პატრულირება საჭირო გახდა, რადგან არსებობს ინფორმაცია, რომ ამ გაზსადენების აფეთქებას ისევე ცდილობენ, როგორც „ჩრდილოეთის ნაკადები“ ააფეთქეს“, – განაცხადა სერგეი ლავროვმა.