რუსეთის საგარეო საქმეთა მინისტრის, სერგეი ლავროვის განცხადებით, ისრაელის მხრიდან ღაზის სექტორზე თავდასხმა საერთაშორისო ჰუმანიტარული სამართლის ნორმებს ეწინააღმდეგება.

„მიუხედავად იმისა, რომ ჩვენ ვგმობთ ტერორიზმს, კატეგორიულად არ ვეთანხმებით, რომ ტერორიზმზე პასუხის გაცემა საერთაშორისო ჰუმანიტარული სამართლის ნორმების დარღვევით უნდა მოხდეს, მათ შორის, ძალის განურჩეველი გამოყენებით სამიზნეებზე, სადაც ცნობილია, რომ მშვიდობიანი მოქალაქეები, მათ შორის მძევლები იმყოფებიან”, – აღნიშნა ლავროვმა.

მისივე განმარტებით, "ჰამასის" განადგურება, რისი პირობაც ისრაელმა დადო, შეუძლებელია ღაზის განადგურების გარეშე, რასაც მშვიდობიანი მოსახლეობაც შეეწირება.

"თუ ღაზა განადგურდება და მისი 2 მილიონიანი მოსახლეობა განდევნილი იქნება, ეს მრავალი ათწლეულის და შესაძლოა, ასწლეულის მანძილზეც კატასტროფას გამოიწვევს", - დასძინა ლავროვმა.

„აუცილებელია შეჩერება და ჰუმანიტარული პროგრამების გამოცხადება, ბლოკადაში მყოფი მოსახლეობის გადასარჩენად", - განაცხადა რუსეთის საგარეო საქმეთა მინისტრმა.