erimedia_ravk/8ENd9GFIg.jpeg

შალვა პაპუაშვილი - 2024 წელს ვხვდებით მშვიდობიან, ევროპულ საქართველოში, უფრო თავდაჯერებულნი, გაძლიერებულნი, გილოცავთ, მადლობას გიხდით მხარდაჭერისა და ნდობისთვის

ამბები
შალვა პაპუაშვილი - 2024 წელს ვხვდებით მშვიდობიან, ევროპულ საქართველოში, უფრო თავდაჯერებულნი, გაძლიერებულნი, გილოცავთ, მადლობას გიხდით მხარდაჭერისა და ნდობისთვის
ამბები

შალვა პაპუაშვილი - 2024 წელს ვხვდებით მშვიდობიან, ევროპულ საქართველოში, უფრო თავდაჯერებულნი, გაძლიერებულნი, გილოცავთ, მადლობას გიხდით მხარდაჭერისა და ნდობისთვის

erimedia_ravk/8ENd9GFIg.jpeg
1 იან

საქართველოს პარლამენტის თავმჯდომარე შალვა პაპუაშვილი მოქალაქეებს ახალ წელს ულოცავს.

პარლამენტის თავმჯდომარე აღნიშნავს, რომ საქართველომ თავისი თანამედროვე ისტორიის ერთ-ერთ უდიდეს გამარჯვებას მიაღწია და ყველამ ერთად, დამსახურებულად და ღირსეულად მოიპოვა ევროკავშირის წევრობის კანდიდატი ქვეყნის სტატუსი.

შალვა პაპუაშვილი მადლობას უხდის ყველას მხარდაჭერისა და ნდობისთვის.

„ჩემო ძვირფასო თანამოქალაქეებო, ახალ წელს ამაღლებული და მართლაც სადღესასწაულო განწყობით ვხვდებით. საქართველომ თავისი თანამედროვე ისტორიის ერთ-ერთ უდიდეს გამარჯვებას მიაღწია – ჩვენ, ყველამ ერთად, დამსახურებულად და ღირსეულად მოვიპოვეთ ევროკავშირის წევრობის კანდიდატი ქვეყნის სტატუსი. თქვენი მუდმივი გვერდში დგომით და მხარდაჭერით, საქართველოს ხელისუფლებამ შეძლო უდიდეს გამოწვევებთან გამკლავება. ქართულმა საზოგადოებამ უარი უთხრა რადიკალიზმს და ნდობა გამოუცხადა მოქალაქეების კეთილდღეობაზე ორიენტირებულ, ეროვნულ ინტერესებზე დამყარებულ საშინაო და საგარეო პოლიტიკას. შედეგად, ახალ, 2024 წელს ვხვდებით მშვიდობიან და ევროპულ საქართველოში, უფრო თავდაჯერებულნი და გაძლიერებულნი. გილოცავთ და მადლობას გიხდით თქვენი მხარდაჭერისა და ნდობისთვის. მადლობას ვუხდი თავდაცვის ძალებს, პოლიციელებს, მეხანძრე-მაშველებს, სამედიცინო პერსონალს, საჯარო მოხელეებს, ყველას, რომელთა პროფესიონალიზმმა, თავდადებამ და სამშობლოს სიყვარულმა გააძლიერა ჩვენი ქვეყანა და მას, 2023 წლის სტიქიებით დამძიმებულ წუთებშიც კი, უკეთესი მომავლის იმედი შეუნარჩუნა. ახალ წელს ვულოცავ ოკუპირებულ რეგიონებში მცხოვრებ მოსახლეობას, ჩვენს აფხაზ და ოს დებს და ძმებს, ქართულ დიასპორას და ქართველი ხალხის ყველა მეგობარს. მჯერა, ჩვენ ერთად შევძლებთ ჩვენი სამშობლოს ერთიანობის და ევროპული მომავლის წარმატებით შენებას. ახალ წელს ვულოცავ დედა-ეკლესიას, რომელიც არის ჩვენი ხალხის სულიერი წინამძღოლი, ღირსეულად დგას ჩვენი სულიერების და ღირებულებების სადარაჯოზე. ამ დღეს განსაკუთრებულად ვულოცავ ჩვენს მშობლებს, რომლებმაც ახალი წლის ტრადიციებს გვაზიარეს და ჩვენს მომავალ თაობას – ჩვენს შვილებს, რომლებსაც დღეს ამ ტრადიციებს ვუზიარებთ. თაობებს შორის ტრადიციების უწყვეტი ჯაჭვი არის ის, რამაც ჩვენი ათასწლოვანი ერის თვითმყოფადობა შეგვინარჩუნა. მინდა, კიდევ ერთხელ მოგილოცოთ ყველას ახალი 2024 წელი, გისურვოთ მშვიდობა, კეთილდღეობა, ჩვენი სამშობლოს წინსვლა და გამარჯვება“, – განაცხადა შალვა პაპუაშვილმა საახალწლო მილოცვაში.

ხშირად ნანახი
Სარეკლამო
Სარეკლამო
მეტი სიახლეები ამბები
ქნესეთმა დაამტკიცა ბენიამინ ნეთანიაჰუს შუამდგომლობა პალესტინის სახელმწიფოს ცალმხრივი აღიარების წინააღმდეგ
ასოცირების საბჭო - ვადასტურებთ მხარდაჭერას საქართველოსთან ურთიერთობების გაძლიერების მიმართ, ხაზს ვუსვამთ ასოცირების შეთანხმების პოტენციალის სრულად გამოყენების მნიშვნელობას
ირაკლი კობახიძე დღეს ბრიუსელში რობერტა მეცოლას და იენს სტოლტენბერგს შეხვდება
გიორგი ბარვენაშვილი პარლამენტში ირაკლი კობახიძის ადგილმონაცვლედ დაამტკიცეს
ნინო წილოსანი პარლამენტის ვიცე-სპიკერი გახდა
Სარეკლამო
რეჯეფ თაიფ ერდოღანი - ბაქო-თბილისი-ყარსის სარკინიგზო ხაზიდან მაქსიმალური ეფექტურობის მისაღებად განახლების სამუშაოები სასწრაფოდ უნდა დასრულდეს
საპარლამენტო უმრავლესობის დღევანდელ სხდომაზე რამდენიმე საკადრო გადაწყვეტილება მიიღეს
ჯანდაცვის სამინისტროს ინფორმაციით, რესპუბლიკური საავადმყოფოს 350-მდე თანამშრომელმა სამინისტროს მიერ შეთავაზებული საკომპენსაციო პაკეტი უკვე აირჩია
NDI წინასაარჩევნო სადამკვირვებლო მისიას იწყებს
„პოლიტიკო“ - დასავლეთის ქვეყნების გეგმა ახლა არის უკრაინის არმიის დაშლის თავიდან აცილება
მეტის ჩვენება
Სარეკლამო