საქართველოს პარლამენტის თავმჯდომარე შალვა პაპუაშვილი ხორვატიის რესპუბლიკის პარლამენტის ევროპულ საქმეთა კომიტეტის პრეზიდენტ დომაგოი ჰაიდუკოვიჩსა და კომიტეტის წევრებს შეხვდა.

შეხვედრაზე ხაზი გაესვა საქართველო-ხორვატიის ორმხრივი თანამშრომლობის გააქტიურებისა და გაღრმავების საჭიროებას. ყურადღება გამახვილდა საპარლამენტო კავშირების გაძლიერებაზე. ამ მხრივ, დადებითად შეფასდა ხორვატიაში საქართველოს საელჩოს გახსნის გადაწყვეტილება.

შალვა პაპუაშვილმა ისაუბრა საქართველოს პროგრესზე ევროკავშირის რეკომენდაციების განხორციელების კუთხით.

ხორვატულმა მხარემ გამოხატა მტკიცე მხარდაჭერა საქართველოს ევროკავშირში ინტეგრაციის მიმართ და გამოხატა ხორვატიის გამოცდილების გაზიარების მზაობა.