erimedia_ravk/eVEOXDpVg.jpeg
ფოტო - ტელეკომპანია "იმედი"

შალვა პაპუაშვილმა მოშიმშილე დეპუტატი ანა წითლიძე მოინახულა

ამბები
შალვა პაპუაშვილმა მოშიმშილე დეპუტატი ანა წითლიძე მოინახულა
ამბები

შალვა პაპუაშვილმა მოშიმშილე დეპუტატი ანა წითლიძე მოინახულა

erimedia_ravk/eVEOXDpVg.jpeg
ფოტო - ტელეკომპანია "იმედი"
26 დეკ

„ნაციონალური მოძრაობის“ წევრი, ანა წითლიძე, რომელიც მიხეილ სააკაშვილის სამკურნალოდ გადაყვანის მოთხოვნით უკვე მეთორმეტე დღეა შიმშილობს, დღეს კიდევ ერთხელ მოინახულა პარლამენტის თავმჯდომარემ. შალვა პაპუაშვილმა ანა წითლიძეს შიმშილობის შეწყვეტისკენ მოუწოდა.

„მოვინახულე ანა წითლიძე, ვესაუბრე და მოვუწოდე, რომ შეეწყვიტა შიმშილობა. ასევე ვესაუბრე ექიმებს და მითხრეს, რომ მდგომარეობა უკვე არის ისეთი, რომ ამის შემდეგ შეიძლება დადგეს ჯანმრთელობის შეუქცევადი დაზიანება. ამიტომ მნიშვნელოვანია, რომ შეწყვიტოს შიმშილობა. რაც შეეხება მოთხოვნას, ამ საკითხს წყვეტს სასამართლო. სრულად სასამართლოს კომპეტენციაა, განიხილოს ეს საკითხი. სასამართლოსთვის ულტიმატუმის წაყენება არ არის ის ფორმა, რომლითაც სამართლებრივ სახელმწიფოში უნდა წყდებოდეს საკითხები“, - აცხადებს პარლამენტის თავმჯდომარე.

„ნაციონალური მოძრაობის" წევრებმა, ანა წითლიძემ, დავით კირკიტაძემ და აბდულა ისმაილოვმა პარლამენტში, მიხეილ სააკაშვილის საზღვარგარეთ გადაყვანის მოთხოვნით, შიმშილობა 15 დეკემბერს დაიწყეს. მათ თემურ ჯანაშია 16 დეკემბრიდან შეუერთდა.

ჯანმრთელობის მდგომარეობის გაუარესების გამო შიმშილობა 18 დეკემბერს აბდულა ისმაილოვმა, 23 დეკემბერს კი დავით კირკიტაძემ და თემურ ჯანაშიამ შეწყვიტეს.

ხშირად ნანახი
Სარეკლამო
Სარეკლამო