15 სექტემბერი, 2022

შვედეთის პრემიერ-მინისტრი, მაგდალენა ანდერსონი თანამდებობას 15 სექტემბერს დატოვებს. ამასთან, მან არჩევნების წაგება აღიარა. ამის შესახებ უცხოური მედია იტყობინება.

"მე წარვადგენ მიმართვას პრემიერ-მინისტრის პოსტიდან გადადგომის შესახებ და პროცესის გაგრძელებაზე პასუხისმგებლობა [მთავრობის ფორმირება] სპიკერს და პარლამენტს დაეკისრება. ახალი მთავრობის ჩამოყალიბების შემდეგ, მე ოპოზიციურ სოციალ-დემოკრატიულ პატრიას ჩავუდგები სათავეში", - განაცხადა ანდერსონმა.

ახალი მთავრობის ფორმირებამდე გარდამავალ კაბინეტს ანდერსონი უხელმძღვანელებს.

ხმების დათვლის შემდეგ, არჩევნებში გამარჯვება ოთხი პარტიისგან შემდგარმა მემარჯვენე ბლოკმა მოიპოვა. მაგდალენა ანდერსონმა, რომელიც გასულ წელს ქვეყნის პირველი ქალი პრემიერ-მინისტრი გახდა, განაცხადა, რომ არჩევნების შედეგების მიხედვით, მისმა ოპონენტებმა გაიმარჯვეს.

როგორც მედია წერს, არჩევნების შედეგებით „ზომიერები“, „შვედეთის დემოკრატები“, „ქრისტიან-დემოკრატები“ და „ლიბერალები“ პარლამენტში ლიდერობენ. მაგრამ, როგორც ჩანს, ისინი 349-ადგილიან საკანონმდებლო ორგანოში 176 ადგილს იღებენ, მემარცხენე ცენტრისტები კი - 173 ადგილს. შედეგი ჯერ კიდევ ოფიციალურად უნდა დადასტურდეს. არჩევნებში 20.6 პროცენტით „შვედეთის დემოკრატები“ ლიდერობს.