ჩინეთის პრეზიდენტმა, სი ძინპინმა ოთხშაბათს განაცხადა, რომ ჩინეთი მზადაა ითანამშრომლოს შეერთებულ შტატებთან, - ამის შესახებ სააგენტო "როიტერი" ჩინეთის მედიაზე დაყრდნობით იუწყება.

"შეძლებენ თუ არა შეერთებული შტატები და ჩინეთი ურთიერთობის „სწორი“ გზა დაამყარონ, გადამწყვეტი იქნება მსოფლიოსთვის", - აღნიშნა ჩინეთის პრეზიდენტმა.

მისივე განმარტებით, საჭიროა უფრო სტაბილური ორმხრივი კავშირები, რომელიც, უნდა აშენდეს „ურთიერთპატივისცემის, მშვიდობიანი თანაარსებობისა და ორმხრივად მომგებიანი თანამშრომლობის“ პრინციპებზე.