სიღნაღში, ავტოსაგზაო შემთხვევის შედეგად ისტორიული გალავნის თაღი ჩამოინგრა. შემთხვევა გვიან ღამით მოხდა. არსებული ინფორმაციით, კულტურული მემკვიდრეობის ძეგლს ტრაილერი დაეჯახა, რომელსაც ირანის მოქალაქე მართავდა.

„სიღნაღის თაღი ეროვნული მნიშვნელობის კულტურული მემკვიდრეობის ძეგლია, რომლის აღდგენა ყველა შესაბამისი უწყების კოორდინირებული მუშაობით, უახლოეს პერიოდში გახდება შესაძლებელი", - განაცხადეს სიღნაღის მერიაში.

შემთხვევის ადგილზე ამ დრომდე რჩებიან ადგილობრივი ხელისუფლების და კულტურული მემკვიდრეობის დაცვის ეროვნული სააგენტოს წარმომადგენლები.