რობერტ ფიცოს თქმით, მისი ხელმძღვანელობით სლოვაკეთის ახალი მთავრობა უცხოეთიდან დაფინანსებული არასამთავრობო ორგანიზაციების რეგულაციას გაამკაცრებს, რაც უნგრეთმა უკვე გააკეთა.

საუბარია უცხოელი აგენტების რეგისტრაციის კანონზე (Foreign Agents Registration Act, FARA), რომელიც აშშ-ში 1938 წელს მიიღეს.

„არაკომერციული ორგანიზაციების ბატონობის ეპოქას ბოლო მოეღება“, - განაცხადა რობერტ ფიცომ პრესკონფერენციაზე.

მისივე თქმით, ყველა უცხოური დაფინანსებული არასამთავრობო ორგანიზაცია უნდა იყოს კლასიფიცირებული, როგორც უცხოური აგენტი. ახალმა პრემიერ-მინისტრმა ასევე ხაზგასმით აღნიშნა, რომ საგარეო საქმეთა სამინისტრო აღარ იქნება საგარეო ინტერესების რუპორი და სლოვაკეთის მიზნების შესაბამისად იმოქმედებს.