28 აგვისტო, 2022

ნატოს წევრი ქვეყნები - ჩეხეთი და პოლონეთი სლოვაკეთის საჰაერო სივრცეს დაიცავენ, სანაცვლოდ კი, სლოვაკეთი ექსპლუატაციიდან ჩამოწერს მიგ-29 ტიპის ავიაგამანადგურებლებს, რომელთა გადაცემაც უკრაინისთვის იგეგმება, - ამის შესახებ Reuters-ი წერს.

სლოვაკეთის თავდაცვის მინისტრის განცხადებით, ბრატისლავა მზადაა, უკრაინას საბჭოთა წარმოების მოიერიშე თვითმფრინავები გადასცეს, თუმცა შეთანხმება ჯერჯერობით ხელმოწერილი არ არის.

სლოვაკეთმა, რომლის მოსახლეობაც 5,4 მილიონია, უკვე გასცა S-300 საჰაერო თავდაცვის სისტემა, Mi-სერიის სამხედრო ვერტმფრენები, თვითმავალი ჰაუბიცები და გრადის მრავალჯერადი სარაკეტო გამშვები რაკეტები.