პოლიტოლოგი, სოსო მანჯავიძე სოციალურ ქსელში წერს:

"ერთი განმარტება მინდა გავაკეთო:

დიდი ხანია ვამბობ, რომ რუსეთის ხელისუფლება რუსეთის ინტერესებს არ გამოხატავს, ისევე, როგორც უკრაინის მთავრობა - უკრაინისას.

ეს ომი ორივე მხრიდან მიზანმიმართულად ღვივდებოდა. ვერც ერთი მხარე ვერ გამოვა ამ ომიდან გამარჯვებული. გამარჯვებული გამოვა ის, ვინც ამ მარიონეტებს მართავს, თუმცა, მასაც იგივე ხვედრი ელოდება.

ადამიანების გათვლები ყოველთვის ცუდდება და ყოველთვის ყველასთვის მოულოდნელი შედეგი დგება, რადგან მოვლენების რეალური მიზეზები ადამიანური გონების წვდომის მიღმაა. მხოლოდ ამის მიხვედრის შემდეგ შეიძლება გაეხსნას ადამიანს ინტუიცია ისტორიული პროცესის მიზეზ-შედეგობრიობის შესახებ.

ამიტომ, ძალიან ნუ გადაეკიდებით ერთმანეთს ამ ომის გამო.

ისინი, ვინც ამ "გეოპოლიტიკურ გლადიატორებს" აბრძოლებენ, კარგად ერთობიან ქართველებზე, რომლებიც ერთმანეთსაც დიდი სიამოვნებით დახოცავდნენ იმ მიზეზით, რომ ერთი "გლადიატორი" თავდამცველი ჰგონიათ, ხოლო მეორე - თავდამსხმელი.

თანაც, ამ მოხალისე მსხვერპლის როლის შემსრულებლების სტიმულირება-აგზნება სრულიად ცინიკური მეთოდებით ხდება, მათი გონების ემოციებით დაბინდვის გზით.

მეთოდი ძველია და უტყუარად მუშაობს, როგორც ვხედავთ", - წერს "Facebook"-ში სოსო მანჯავიძე.