Spiegel - გერმანიაში სანქცირებული რუსი ოლიგარქის ალიშერ უსმანოვის სახლებში ჩხრეკა მიმდინარეობს
21 სექტემბერი, 2022
გერმანიაში სანქცირებული რუსი ოლიგარქის ალიშერ უსმანოვის სახლებში ჩხრეკა მიმდინარეობს. ინფორმაციას ამის შესახებ გამოცემა Spiegel-ი ავრცელებს.
გამოცემის ინფორმაციით, გამომძიებლები ტბა ტეგერნზესთან მდებარე ოლიგარქის კუთვნილ ვილებს ჩხრეკენ. საქმე სანქციების დარღვევას ეხება.
მიუნხენის პროკურატურის განცხადებით, ასევე ჩხრეკა მიმდინარეობს ბავარიაში, ბადენ-ვიურტემბერგში, შლეზვიგ-ჰოლშტაინსა და ჰამბურგში მდებარე ოც ობიექტში, რომლების უსმანოვთან არის დაკავშირებული. აღინიშნება, რომ ოპერაციაში ჩართულია სხვადასხვა საგადასახადო და პოლიციის უწყებების რამდენიმე ასეული თანამშრომელი.
აღნიშნულია, რომ უსმანოვი ბრალი სანქციების დარღვევაში ედება, ვინაიდან, იგი უსაფრთხოების სამსახურის თანამშრომლებს უხდიდა, რათა ბავარიაში მდებარე მის ძვირადღირებული კომპლექსისთვის მიეხედათ. გამოძიება თანამშრომლებთან დაკავშირებითაც მიმდინარეობს.
