სხეულზე მიმაგრებული 1100 ფუტკარი - სარფის საბაჟოზე ერთი პირი დააკავეს
საქართველოდან თურქეთში შესულ მამაკაცს მებაჟეებმა ჩხრეკისას პატარა ხის ყუთებში ჩასმული 1.100 ფუტკარი აღმოუჩინეს, რომელიც სხეულზე ჰქონდა მიმაგრებული.
თურქული მედია იუწყება, რომ მამაკაცს შესაბამისი საბუთები ჰქონდა და სარფის სასაზღვრო პუნქტზე სკანირება გაიარა, თუმცა საბაჟო სამმართველოს კონტრაბანდის საწინააღმდეგო განყოფილების თანამშრომლებმა საეჭვო საქციელის გამო გააჩერეს და სვიტერის ქვეშ დიდი რაოდენობით ყუთები აღმოუჩინეს, რომლებშიც 110 ფუტკარი იყო - თითოში ერთი დედა და ცხრა მუშა ფუტკარი.
ეჭვმიტანილი დააკავეს. უცნობია, იგი საქართველოს მოქალაქეა თუ თურქეთის.
ასევე, სარფის საზღვარზე, თურქეთში შესული ავტომანქანის საწვავის ავზში 104 კილოგრამზე მეტი წაბლის თაფლი აღმოაჩინეს. საბაჟოს თანამშრომლებმა გაარკვიეს, რომ ავტომანქანა მუშაობდა დამატებით საწვავის ავზზე, რომელიც დამაგრებული იყო თაფლით სავსე ორიგინალური ავზის გვერდით.
