სომხეთ-აზერბაიჯანის სამშვიდობო მოლაპარაკებების მხარდაჭერაზე, სტამბოლში, თურქეთის პრეზიდენტის მთავარმა მრჩეველმა, იბრაჰიმ კალინმა და ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა ისაუბრეს. ამის შესახებ ინფორმაციას თეთრი სახლი ავრცელებს.

„მათ რეგიონალური უსაფრთხოების საკითხები განიხილეს, მათ შორის სომხეთსა და აზერბაიჯანს შორის სამშვიდობო მოლაპარაკებების მხარდაჭერა, დიალოგისა და დიპლომატიის მნიშვნელობა აღმოსავლეთ ხმელთაშუა ზღვაში არსებული უთანხმოების მოსაგვარებლად და ფინეთისა და შვედეთის პროგრესი ნატო-ში გაწევრიანების გზაზე“, – აღნიშნულია თეთრი სახლის განცხადებაში.