თურქმენეთის სახელმწიფო კონცერნი Turkmengaz-ი აპირებს შეიძინოს მოწყობილობა, რომელიც ქვეყანას დაეხმარება გათხევადებული გაზის წარმოებაში. ამის შესახებ მთავრობის სხდომის დასრულების შემდეგ, გაზეთმა „ნეიტრალური თურქმენეთი“ დაწერა.

გამოცემის ცნობით, მინისტრთა კაბინეტის წევრმა, შაჰიმ აბრდახმანოვმა კაბინეტს წარუდგინა პროექტი, რომელიც ითვალისწინებს Turkmengaz-ის მხრიდან მატერიალურ-ტექნიკური დანადგარის შეძენას.

„აღნიშნული ხელს შეუწყობს ბაგაჯინის კომპლექსის მხრიდან გაზის გასუფთავებისა და გათხევადებული გაზის წარმოების სიმძლავრის მაქსიმალურ დონეზე გასვლას, რაც თავის მხრივ ხელს შეუწყობს, ამავე საბადოზე ცისფერი საწვავის მოპოვების ზრდას და მის წარმოებას,“ - წერია პროექტში.

მასალაში აღნიშნულია, რომ თურქმენეთის პრეზიდენტმა სერდარ ბერდიმუხამედოვმა ამის შესახებ ბრძანებას ხელი უკვე მოაწერა.

ბაგაჯინის გაზგადამამუშავებელი კომპლექსი თურქმენეთში, ლებაპსკის ვილაეთში არსებულ საბადოსთან 2006 წელს გაიხსნა.