საქართველოს ფინანსთა სამინისტროს საგამოძიებო სამსახურის თანამშრომლებმა სექტემბრის თვეში, მარკირებას დაქვემდებარებული დიდი ოდენობით აქციზური საქონლის აქციზური მარკის გარეშე შენახვა-გადაზიდვა-რეალიზაციის 35 ფაქტი გამოავლინეს.

უწყების ინფორმაციით, აღნიშნულ ფაქტებზე ბრალდებულის სახით პასუხისგებაში მიეცა 40 პირი, აქედან 17 დააკავეს. საგამოძიებო სამსახურში განაცხადეს, რომ დანაშაულში მხილებული პირებისგან ჯამში, სარეალიზაციოდ გამზადებული სხვადასხვა დასახელების 60.715 კოლოფი უაქციზო სიგარეტი ამოიღეს. უაქციზო საქონლის საერთო საბაზრო ღირებულებამ 300 ათას ლარს გადააჭარბა.

საქმეზე გამოძიება სისხლის სამართლის კოდექსის მე-200 მუხლით მიმდინარეობს, რაც 6-დან 8 წლამდე ვადით თავისუფლების აღკვეთას ითვალისწინებს.