უახლოეს დღეებში აშშ რუსეთის წინააღმდეგ ახალი სანქციების დაწესების შესახებ გააკეთებს განცხადებას
25 სექტემბერი, 2022
უახლოეს დღეებში აშშ რუსეთის წინააღმდეგ დაწესებული ახალი სანქციების შესახებ განაცხადებს. სანქციების დაწესება ე.წ. რეფერენდუმის საპასუხოდ მოხდება. ამის შესახებ უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა, კვირას ტელეკომპანია NBC-სთან ინტერვიუში განაცხადა.
"პარასკევს, ე.წ. რეფერენდუმის დაწყების შემდეგ, დიდი შვიდეულის ქვეყნების ლიდერებმა დაადასტურეს, რომ ამას თავისი შედეგები მოჰყვებოდა. კერძოდ კი, რუსეთის წინააღმდეგ დაწესდება დამატებითი, გაძლიერებული სანქციები, მათ შორის იმ იურიდიული პირებისა და კომპანიების წინააღმდეგ რუსეთის ფედერაციის ფარგლებს გარეთ, რომლებიც რეფერენდუმის ჩატარებას მხარს უჭერენ. თქვენ ამას უახლოეს დღეებში იხილავთ. ეს მხოლოდ გააორმაგებს ჩვენი მხრიდან უკრაინისთვის იარაღისა და სამხედრო აღჭურვილობის მიწოდების ძალისხმევას", - განაცხადა ჯეიკ სალივანმა.