erimedia_ravk/Q9PoAQVVR.jpeg

"უჭირს კომუნიკაცია, სიკვდილის პირასაა" - როგორია მიხეილ სააკაშვილის ჯანმრთელობის მდგომარეობა

ამბები
"უჭირს კომუნიკაცია, სიკვდილის პირასაა" - როგორია მიხეილ სააკაშვილის ჯანმრთელობის მდგომარეობა
ამბები

"უჭირს კომუნიკაცია, სიკვდილის პირასაა" - როგორია მიხეილ სააკაშვილის ჯანმრთელობის მდგომარეობა

erimedia_ravk/Q9PoAQVVR.jpeg
6 ოქტ

პატიმრობაში მყოფი მესამე პრეზიდენტის მიხეილ სააკაშვილის ჯანმრთელობის მდგომარეობა მძიმეა. განაცხადა პარტია "ნაციონალური მოძრაობის" წევრმა თემურ ჯანაშიამ კლინიკა "ვივამედში" მიხეილ სააკაშვილთან შეხვედრის შემდეგ.

თემურ ჯანაშიამ აღნიშნა, რომ ექს-პრეზიდენტი თავს სუსტად გრძნობს და უჭირს კომუნიკაცია.

"საუბრის დროს იღლება და არის სიკვდილის პირას. ეს არ არის ნორმალური", - განაცხადა თემურ ჯანაშიამ.

ცოტა ხნის წინ ასევე კლინიკაში იმყოფებოდა ოპოზიციური პარტიის წევრი ეკა ხერხეულიძე. როგორც მან აღნიშნა, დილასთან შედარებით, სააკაშვილის მდგომარეობა დასტაბილურებულია, თუმცა ეს გარემოება სიმშვიდის საფუძველს მაინც არ იძლევა.

,,ადამიანის ჯანმრთელობის მდგომარეობა დღითიდღე ნადგურდება, ამას უყურებენ ექიმები და ყველა ის ადამიანი, ვისაც მასთან შეხება აქვს. ეს არის მდგომარეობა, რომელიც მხოლოდ ცუდის მანიშნებელია, მუდმივად აქვს მაღალი ტემპერატურა და წონას კარგავს ისეთი ტემპით, რომ ახსნა არ არსებობს", - განაცხადა ხერხეულიძემ ჟურნალისტებთან საუბრისას.

მიუხედავად "ნაციონალური მოძრაობის" წევრების განცხადებებისა, კლინიკა "ვივამედის" კლინიკური დირექტორი ზურაბ ჩხაიძე ამტკიცებს, რომ მიხეილ სააკაშვილის მდგომარეობა კრიტიკული არ არის.

"მდგომარეობას კრიტიკულად ნამდვილად ვერ შევაფასებ და ვერც მკურნალი ექიმი აფასებს მდგომარეობას კრიტიკულად. ვინაიდან პაციენტი არის სასჯელაღსრულების დაწესებულებიდან, ინფორმაცია მისი ახლანდელი ჯანმრთელობის მდგომარეობის შესახებ უნდა მიიღოთ პენიტენციური დაწესებულების სამედიცინო დეპარტამენტიდან", - განუცხადა ზურაბ ჩხაიძემ ჟურნალისტებს სატელეფონო საუბრისას.

უნდა აღინიშნოს, რომ რამდენიმე თვეა მიხეილ სააკაშვილის სასამართლო სხდომა მისი ჯანმრთელობის მდგომარეობის გამო ვერ ტარდება. ბოლო სხდომა, რომელზეც მან დასწრება შეძლო, 20 აპრილს გაიმართა.

საქართველოს ექს-პრეზიდენტი მიხეილ სააკაშვილი, რომელსაც ორ საქმეზე 6-წლიანი პატიმრობა აქვს მისჯილი, საქართველოში 2021 წლის სექტემბრის ბოლოს დაბრუნდა და 1 ოქტომბერს დააკავეს. დაკავების დღესვე მიხეილ სააკაშვილმა შიმშილობა გამოაცხადა. მდგომარეობის დამძიმების გამო, შიმშილობის დაწყებიდან 50-ე დღეს ის პროტესტის შეწყვეტას დათანხმდა.

საქართველოს მესამე პრეზიდენტი 12 მაისიდან კლინიკა „ვივამედში“ მკურნალობს. პარალელურად, მისი ადვოკატები და ოჯახის წევრები აცხადებენ, რომ აუცილებელია მიხეილ სააკაშვილის საზღვარგარეთ სამკურნალოდ გადაყვანა.

ხშირად ნანახი
Სარეკლამო
Სარეკლამო
მეტი სიახლეები ამბები
საფრანგეთის პარლამენტის ორივე პალატის დეპუტატთა ჯგუფი საგარეო ჩარევის შესახებ კანონპროექტის ტექსტზე შეთანხმდა
იტალიის საგარეო საქმეთა მინისტრი - იტალია უკრაინისთვის მიწოდებული იარაღის რუსეთის ტერიტორიაზე დარტყმებისთვის გამოყენებას არ დაუშვებს
გერმანია უკრაინას რუსეთის ტერიტორიაზე მათ მიერ მიწოდებული იარაღის გამოყენების უფლებას აძლევს
სლოვაკეთის პრემიერ-მინისტრი საავადმყოფოდან გაწერეს
ვიქტორ ორბანი - ნატო ყოველ კვირას სულ უფრო უახლოვდება ომს
Სარეკლამო
„როიტერი“ - ჩინეთი შვეიცარიაში, ივნისში დაგეგმილ უკრაინის სამშვიდობო სამიტს არ შეუერთდება, რადგან მხარს უჭერს რუსეთის და უკრაინის თანასწორ მონაწილეობას
ნიუ იორკის ნაფიც მსაჯულთა სასამართლომ დონალდ ტრამპი სისხლის სამართლის საქმეზე დამნაშავედ ცნო
თეთრი სახლის ცნობით, ოფიციალური ვიზიტის ფარგლებში, ჯო ბაიდენი 8 ივნისს საფრანგეთში ჩავა
„პოლიტიკო“ - ჯო ბაიდენმა უკრაინას ფარულად მისცა უფლება, აშშ-ის მიერ მიწოდებული იარაღის გამოყენებით რუსეთის ტერიტორიაზე დარტყმები განახორციელოს, თუმცა მხოლოდ ხარკოვის მახლობლად
საფრანგეთში დეპუტატები უცხოური ჩარევის წინააღმდეგ კანონის ტექსტზე შეთანხმდნენ
მეტის ჩვენება
Სარეკლამო