უწყვეტი ონლაინ სტრიმი დედოფალ ელისაბედ მეორის დაკრძალვის ცერემონიიდან
19 სექტემბერი, 2022
საქართველოს პირველი არხი დედოფალ ელისაბედ მეორის დაკრძალვის ცერემონიის უწყვეტ ონლაინ სტრიმს განახორციელებს.
ცერემონიის ნახვა შესაძლებელი იქნება საქართველოს პირველი არხის ვებგვერდზე – 1TV.GE. ელისაბედ მეორეს დღეს უინძორის სასახლის ტერიტორიაზე დაკრძალავენ.
ცერემონიას ჯამში სხვადასხვა ქვეყნის 500-მდე ლიდერი და მაღალჩინოსანი დაესწრება. ელისაბედ მეორის დაკრძალვაზე დასასწრებად გაერთიანებულ სამეფოში იმყოფება საქართველოს პრეზიდენტი სალომე ზურაბიშვილი.
ინგლისში უკვე ჩავიდა აშშ-ის პრეზიდენტი. დიდი ბრიტანეთის დედაქალაქში ასევე იმყოფებიან კანადის, ავსტრალიისა და ახალი ზელანდიის პრემიერ-მინისტრები.
დედოფლის დაკრძალვას ევროპის სხვა ქვეყნების სამეფო ოჯახებიც დაესწრებიან. გაერთიანებული სამეფოს დედოფალი ელისაბედ მეორე 8 სექტემბერს 96 წლის ასაკში გარდაიცვალა.
