უკრაინის ტერიტორიაზე კვლავ საჰაერო განგაშია გამოცხადებული. ადგილობრივი საინფორმაციო საშუალებები იუწყებიან, რომ ქვეყნის სხვადასხვა რეგიონში აფეთქებები გრძელდება.

გავრცელებული ინფორმაციით, რაკეტები დააფიქსირეს კიევის ოლქში. აფეთქებების ხმა ისმის ქალაქ ოდესაშიც, სადაც უკრაინელებმა უკვე რვა დრონი გაანეიტრალეს.

საჰაერო თავდაცვა მუშაობს ვინიცასა და ჟიტომირშიც, სადაც ასევე გრძელდება აფეთქებები.

უკრაინის დედაქალაქ კიევსა და ქვეყნის სხვადასხვა რეგიონში აფეთქებები გუშინ მთელი დღის განმავლობაში მიმდინარეობდა. ავიაიერიში განხორციელდა ლვოვზეც. პარალელურად, თავდასხმა განხორციელდა დნეპროპეტროვსკზე, ხმელნიცკსა და ჟიტომირზე.