უნგრეთის საგარეო საქმეთა მინისტრი - ევროკავშირი ვერ აუკრძალავს სუვერენულ ქვეყანას მოლაპარაკების წარმოებას
26 სექტემბერი, 2022
უნგრეთის საგარეო საქმეთა მინისტრის, პიტერ სიიარტოს თქმით, ევროკავშირს არ აქვს უფლება სუვერენულ ქვეყანას მიუთითოს, ვისთან შეუძლია მას აწარმოოს მოლაპარაკებები და ვისთან არა. ამის შესახებ მან გაერო-ში რუსეთის საგარეო საქმეთა მინისტრ, სერგეი ლავროვთან შეხვედრის შესახებ განაცხადა.
მანამდე, პიტერ სიიარტომ და სერგეი ლავროვმა, შექმნილ საერთაშორისო ვითარებაში, ენერგეტიკის სფეროში ორი ქვეყნის ურთიერთთანამშრომლობის საკითხი განიხილეს. ევროკავშირის საგარეო პოლიტიკის სამსახურის ოფიციალური წარმომადგენლის, პიტერ სტანოს თქმით, "გაერო-ს შეხვედრების ფარგლებში, ევროკავშირის მხრიდან ან ორმხრივ დონეზე შეხვედრის გამართვა რუსეთის წარმომადგენლობასთან, ევროკავშირს არამიზანშეწონილად მიაჩნია", თუმცა, საბოლოო ჯამში, მსგავსი საკითხები ევროკავშირის წევრი კონკრეტული ქვეყნის პასუხისმგებლობის საქმეა.
"მე სუვერენული სახელმწიფოს საგარეო საქმეთა მინისტრი ვარ. სუვერენულ ქვეყანას ვერავინ განუსაზღვრავს, ვისთან აწარმოოს მოლაპარაკება და ვისთან არა", - ამის შესახებ პიტერ სიიარტომ რადიო Kossuth-ის ეთერში განაცხადა.
