უნგრეთის საგარეო საქმეთა მინისტრი - რუსეთისთვის სანქციების მოხსნას ევროკავშირი ჯერ არ განიხილავს
25 სექტემბერი, 2022
ევროპის ქვეყნები ჯერჯერობით არ განიხილავენ რუსეთის წინააღმდეგ დაწესებული სანქციების მოხსნის შესაძლებლობას. პირიქით, ვითარება სრულიად საპირისპიროა. ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა.
ამასთან, უნგრეთის საგარეო საქმეთა მინისტრს გაუჭირდა პასუხი გაეცა შეკითხვაზე, შესაძლებელია თუ არა, რომ ზამთარში ენერგომატარებლების დეფიციტმა აიძულოს ევროკავშირის ქვეყნები შეასუსტონ რუსეთის წინააღმდეგ დაწესებული შეზღუდვები.
სიიარტო ნიუ-იორკში გაერო-ს გენერალური ასამბლეის ფარგლებში გამართულ უმაღლესი რანგის ღონისძიებებზე დასასწრებად იმყოფება.
რამდენიმე დღის წინ, საგარეო და უსაფრთხოების საკითხებში ევროკავშირის უმაღლესმა კომისარმა ჯოზეფ ბორელიმ დააანონსა, რომ ე.წ. რეფერენდუმის საპასუხოდ, ევროკავშირი რუსეთის ფედერაციის წინააღმდეგ ახალ პერსონალურ და სექტორულ შეზღუდვებს დააწესებს.
