ვალერი გელბახიანი აცხადებს, რომ მიხეილ სააკაშვილი სრულად ემიჯნება ქართულ პოლიტიკასა და „ნაციონალურ მოძრაობას“

ამბები/ წყარო: 1tv.ge
ვალერი გელბახიანი აცხადებს, რომ მიხეილ სააკაშვილი სრულად ემიჯნება ქართულ პოლიტიკასა და „ნაციონალურ მოძრაობას“
ამბებიწყარო: 1tv.ge

ვალერი გელბახიანი აცხადებს, რომ მიხეილ სააკაშვილი სრულად ემიჯნება ქართულ პოლიტიკასა და „ნაციონალურ მოძრაობას“

30 ივლისი, 2022

erimedia_ravk/Ksf-adk4g.jpeg

მიხეილ სააკაშვილი ტოვებს „ნაციონალურ მოძრაობას“ და ქართულ პოლიტიკასაც მთლიანად, – ამის შესახებ საქართველოს ყოფილი პრეზიდენტის, მიხეილ სააკაშვილის ადვოკატმა, ვალერი გელბახიანმა განაცხადა.

როგორც ვალერი გელბახიანმა აღნიშნა, მიხეილ სააკაშვილის პოლიტიკურმა რესურსმა თავი ამოწურა და დღის წესრიგის ამოცანებიც ამის მიხედვით შეიცვალა, მისი მთავარი ამოცანაა, მიხედოს ჯანმრთელობას, გადაურჩეს მოსალოდნელ საფრთხეს, სიკვდილს.

მისივე თქმით, არანაირი პოლიტიკა მიხეილ სააკაშვილისთვის საინტერესო არ არის, არც საუბრობს ამ თემაზე.

„არაერთი საუბარი იყო ამ თემაზე ოჯახთანაც, ალბათ ახლობლებთანაც. როგორც ჩანს, დიდი ხანია, ფიქრობდა ამაზე, მაგრამ ხმამაღლა ამის გაცხადების საშუალებას არავის აძლევდა, რადგან არ უნდოდა, რომ სკანდალური დისონანსი მომხდარიყო. ახლაც იმავეს ამბობს, რომ მას არავის მიმართ პრეტენზია არ გააჩნია. მისმა პოლიტიკურმა რესურსმა თავი ამოწურა და დღის წესრიგის ამოცანებიც ამის მიხედვით შეიცვალა. მისი მთავარი ამოცანაა, მიხედოს ჯანმრთელობას, გადაურჩეს მოსალოდნელ საფრთხეს, სიკვდილს. ამ ამოცანიდან გამომდინარე, მისი პოზიცია ასეთია, რომ ვისაც უნდა, მიშა სააკაშვილი ცოცხალი იხილოს, მხარი დაუჭიროს, რომ წავიდეს ამ ქვეყნიდან და იმკურნალოს. არანაირი პოლიტიკა მისთვის საინტერესო არ არის, არც საუბრობს ამ თემაზე. ამბობს, რომ მან ყველა ვალი მოიხადა როგორც პარტიის, ასევე ქვეყნის წინაშე. როცა მოდიოდა უკრაინიდან არაფერი გარემოება არ არსებობდა, რომელიც მას დააბრკოლებდა და იძულებულს გახდიდა, რომ წამოსულიყო საქართველოში. ყველა პირობა ჰქონდა, გაეგრძელებინა პოლიტიკა უკრაინაში, მაგრამ ვინაიდან ქართველ ხალხს ჰქონდა განცდა, რომ რადგან არ ჩამოდიოდა საქართველოში, გარკვეულ შიშებთან იყო დაკავშირებული, ეს კომპლექსიც მოუხსნა.

დღემდე მეუბნება, რომ ძალიან გაცნობიერებული ჰქონდა, რომ ჩამოვიდოდა მას დააკავებდნენ, მაგრამ ეს არ აშინებდა და კიდევ ერთხელ უნდოდა, დაენახა ყველას, რომ ის არც მშიშარაა და არც ციხის პირობებს გაურბოდა. მიუხედავად იმისა, რომ ყველა სასამართლო რაზეც განაჩენი იყო გამოტანილი, საეჭვო შთაბეჭდილებას ტოვებდა, ის მზად იყო ხელახლა მიეღო მონაწილეობა ყველა სასამართლო პროცესში“, – განაცხადა ადვოკატმა.

მისივე თქმით, ადამიანის შეერყა ჯანმრთელობა და დღეს ისეთი დაავადების მატარებელია, რომ ვერც ერთი ექიმი საქართველოში ვერ გამოვა და ვერ იტყვის, რომ მას აქვს რეცეპტი როგორ განიკურნება სააკაშვილი.

„პრეცედენტები საქართველოში არ არის, რომ ასეთი დაავადება განკურნებულა. პოზიტიური ვალდებულება გააჩნია მთავრობას, რომ იზრუნოს ადამიანის სიცოცხლეზე, მაგრამ თუ არ იზრუნებს, ეს მისი პასუხისმგებლობაა, თუმცა ჩვენ ვერ დაველოდებით, როდის შეიგნებს ამას მთავრობა. უნდა ვიაქტიუროთ, რათა ვაიძულოთ ნებისმიერი ორგანო, მთავრობა თუ ხელისუფლება, ხალხიც და გადავარჩინოთ ერთი ადამიანის სიცოცხლე. არაერთხელ ვნახე რომ უყურებდა უკრაინულ არხებს და ვკითხე ინფორმაცია. მაგალითად, გადაცემაში ვიყავი და ვკითხე, თუ ნახე ეს გადაცემა და არაო, ხომ იცი ქართულ ტელევიზიებს არ ვუყურებო. აღარ მაინტერესებსო. ამას მოყვა დაუჯერებელი კომენტარები, თითქოს მე ვაჭარბებდი, პირიქით, მე პირველ დღეს ძალიან ცოტა ვთქვი. შემდეგ მისმა შვილმა ინახულა და მან გააკეთა ვრცელი კომენტარი. მიშა სააკაშვილი რკინა არ არის, ადამიანია, ავადაა და შველა უნდა. ახლა ყველა ყურადღება ამაზე უნდა გადავიდეს. პოლიტიკის გარეშე ვისაც უნდა, რომ მიშა გადარჩეს, ყველამ იაქტიუროს“, – განაცხადა ვალერი გელბახიანმა.

ავტორი - თეონა მაჭარაშვილი

ხშირად ნანახი
Სარეკლამო
Სარეკლამო
მეტი სიახლეები ამბები
ირაკლი გოგავა - არ შეიძლება უცხო ქვეყანაში აღზრდილი იყოს ხელისუფლებაში მაღალ პოზიციაზე, ვინც არ უნდა დაგვაძალოს მისი დანიშვნა ან არჩევა. ასეთი ხალხი ყოველთვის მის აღმზრდელ ქვეყანას ემსახურება
26 მაისს საქართველო დამოუკიდებლობის დღეს აღნიშნავს
ბაქო-თბილისი-ყარსის რკინიგზის მოდერნიზებული მარშრუტით პირველი სატვირთო მატარებელი თურქეთში ჩავიდა
სახალხო დამცველი რატი იონათამიშვილის გამოსახულებით ფოტომონტაჟის გავრცელებას ეხმაურება სახალხო დამცველი რატი იონათამიშვილის გამოსახულებით ფოტომონტაჟის გავრცელებას ეხმაურება
კანონპროექტის მიხედვით, აშშ სანქციებს უწესებს ნებისმიერ პირს, რომელიც 2012 წლის პირველ იანვარს ან მის შემდეგ მუშაობდა პარლამენტის წევრად, აპარატის უფროს თანამშრომლად, ან იყო ან არის მოქმედი ან ქართული პოლიტიკური პარტიის ყოფილი მაღალჩინოსანი
Სარეკლამო
შალვა პაპუაშვილი - დარწმუნებული ვარ, დეზინფორმაციის კამპანიის მსგავსად, გამჭვირვალობის კანონზეც დრო აჩვენებს, რომ მისი მიზანია გამოწვევების წინაშე მდგარი საქართველოს მედეგობის გაძლიერება
„ქართული ოცნება“ - ქვეყნის სუვერენიტეტითა და უსაფრთხოებით ვაჭრობას არ ვაპირებთ, შანტაჟი ვერ გვაიძულებს, გადავდგათ ქვეყნის საწინააღმდეგო ნაბიჯი, სანქციები თავად სანქციის დამწესებელს აზიანებს
შვიდი ოპოზიციური პარტიის განცხადება - აშშ-ის მხარდაჭერა მოქალაქეების პროტესტის დამსახურებაა, ვაფასებთ აშშ-ის ძალისხმევას ჩვენი ქვეყნის ევროატლანტიკური მომავლის დაცვის საქმეში
ლევან ხაბეიშვილი - მადლობა ამერიკის შეერთებულ შტატებს ქართველი ხალხის მხარდაჭერისთვის
ალექსეი გონჩარენკო - ჩვენ უნდა ვიმოქმედოთ, შეგვიძლია, საქართველოში წავიდეთ, ქართველებო, იბრძოლეთ თავისუფლებისთვის
მეტის ჩვენება
Სარეკლამო