უნგრეთის პრემიერ-მინისტრის თქმით, უკრაინაში ომის შეჩერება შეუძლებელია „სამშვიდობო გეგმის არსებობით და რაღაცის მოლოდინით - პირველი ნაბიჯი უნდა იყოს სწრაფი, დაუყონებლივი, უპირობო ცეცხლის შეწყვეტა“.

„ევროპის პირველი შეცდომა იყო ამ ომის გლობალიზაცია. ერთადერთი ქვეყანა, რომელმაც ომის დაწყების დღეს თქვა, რომ უნდა მოხდეს მისი ლოკალიზება, ჩვენი იყო... დასავლეთის სტრატეგია არის ის, რომ უკრაინელები იბრძვიან და იღუპებიან, ჩვენ კი მათ ფულს, ინფორმაციას და იარაღს ვაწვდით“, - განაცხადა ორბანმა.

პრემიერ-მინისტრის განმარტებით, ამგვარმა „სტრატეგიამ“ ვერ იმუშავა, რადგან უკრაინას ნაკლები მოსახლეობა ჰყავს. „ამიტომ, ჩვენ უნდა გავგზავნოთ ჩვენი ჯარები, მაგრამ ამას ვერავინ გაბედავს“, - დასძინა ვიქტორ ორბანმა.

მანამდე ორბანმა ისაუბრა იმ "მნიშვნელოვან საფასურზე", რასაც უნგრეთი და მთელი ევროკავშირი იხდის უკრაინის მხარდაჭერის სანაცვლოდ. "ჩვენ უკვე გავგვზავნეთ 70 მილიარდი ევრო და ახლა განვიხილავთ, დამატებითი 50 მილიარდი გავაგზავნოთ თუ არა, მაშინ, როდესაც, თვითონ ევროკავშირს, საკუთარი კონკურენტუნარიანობის აღსადგენად თითოეული ცენტი ესაჭიროება", - განაცხადა პრემიერ-მინისტრმა.