დასავლეთის ქვეყნებმა, კოსოვოს გაერო-ში გაწევრიანებისთვის ხელის არ შეშლის სანაცვლოდ, ბელგრადს ევროინტეგრაციის დაჩქარება და ეკონომიკური სარგებელის მიღება შესთავაზეს, - ამის შესახებ სერბეთის პრეზიდენტმა, ალექსანდრე ვუჩიჩმა განაცხადა.

"სანაცვლოდ სერბეთი, არ დაკონკრეტებულა, მაგრამ, მიიღებდა ევროკავშირის დაჩქარებული წესით წევრობას და სავარაუდოდ, მნიშვნელოვან ეკონომიკურ სარგებელს... მე ვუპასუხე, რომ სერბეთისთვის კონსტიტუციით - და არა მხოლოდ კონსტიტუციით - სრულიად მიუღებელია, რომ კოსოვო გაერო-ს წევრი გახდეს", - განაცხადა პრეზიდენტმა მოქალაქეებისადმი მიმართვაში.

მანამდე, ვრცელდებოდა ინფორმაცია, რომ გერმანიის და საფრანგეთის წარმომადგენლებმა ოფიციალურ ბელგრადს დოკუმენტი წარუდგინეს, რომელიც კოსოვოს საერთაშორისო ორგანიზაციებში მიღებას ითვალისწინებდა, თუმცა, ვუჩიჩმა დოკუმენტები უარყო.

მისი თქმით, უახლოეს მომავალში ის ელოდება პრიშტინას ევროსაბჭოში შეყვანის და შემდეგ, გაერო-ში კოსოვოს წევრობის საკითხის დაყენების მცდელობებს.