Wall Street Journal - ზოგიერთი დასავლელი თანამდებობის პირი უკრაინას სთავაზობს ომის დასრულების მიზნით ტერიტორიის გარკვეული ნაწილი დათმოს, თუმცა ეს არ შეესაბამება არც კიევის და არც მოსკოვის მიზნებს
ზოგიერთი დასავლელი თანამდებობის პირი უკრაინას სთავაზობს ომის დასრულების მიზნით ტერიტორიის გარკვეული ნაწილი დათმოს, თუმცა ეს არ შეესაბამება არც კიევის და არც მოსკოვის მიზნებს. ამის შესახებ The Wall Street Journal წერს.
გამოცემის ცნობით, აშშ-ს და მის მოკავშირე ევროპულ სახელმწიფოებს სურთ არ დაუშვან რუსეთის გამარჯვება, თუმცა, ეშინიათ ხარჯების და რისკების, რაც უკრაინას ამ ომში გამარჯვებისათვის ესაჭიროება.
„უოლ სთრით ჯოურნალის“ თანახმად, პირად საუბრებში ბევრი დასავლელი თანამდებობის პირი არ მიიჩნევს, რომ აშშ-მ და მისმა მოკავშირეებმა ომის დასრულების საბოლოო მიზნების განსაზღვრა კიევს უნდა მიანდონ.
ისინი შიშობენ, რომ უკრაინის "მაქსიმალისტური მიზნები" უსასრულო ომი იქნება და ამიტომ სურთ უკრაინას შეთანხმება შესთავაზონ, რომლის თანახმადაც ის შეეგუება ტერიტორიის ნაწილის ფაქტობრივ დაკარგვას ნატო-ს ან ევროკავშირის წევრობის ან გრძელვადიანი სამხედრო და ეკონომიკური დახმარების დაპირების სანაცვლოდ.
როგოც გამოცემა აღნიშნავს, ასეთი მოსაზრება აიხსნება დასავლეთის სწრაფვით, შეაკავოს კონფლიქტი, რომლის შოკური ტალღები მსოფლიო ეკონომიკაში იგრძნობა, ასევე გაურკვევლობით იმასთან დაკავშირებით, თუ კიდევ რამდენ ხანს დაუჭერენ მხარს დასავლელი ამომრჩევლები კიევისთვის დახმარების ამჟამინდელ მასშტაბს. ისინი ასევე თვლიან, რომ უკრაინას ვერ შეძლებს საკუთარი ტერიტორიიდან რუსეთის ჯარის სრულად განდევნას.
შეგახსენებთ, რომ მანამდე ანალოგიური მოსაზრება გამოთქვა ნატო-ს გენერალური მდივნის აპარატის ხელმძღვანელმა, სტიან იენსენმა, რომელმაც დაუშვა ალიანსში უკრაინის წევრობა ტერიტორიის ნაწილზე უარის თქმის სანაცვლოდ. მოგვიანებით, მან საკუთარ სიტყვებს „შეცდომა“ უწოდა.
ალიანსის გენერალურმა მდივანმა, იენს სტოლტენბერგმა კი განაცხადა, რომ მხოლოდ უკრაინელებს შეუძლიათ, გადაწყვიტონ, როდის არსებობს პირობები მოლაპარაკებებისთვის და რომელი გადაწყვეტილებაა მისაღები.
