სერია A-ს მერვე ტურში, "ნაპოლიმ" საკუთარ მოედანზე "ტორინო" ანგარიშით 3:1 დაამარცხა.

მატჩის მსვლელობისას მეტოქის კარში გოლი ხვიჩა კვარაცხელიამაც გაიტანა. მიმდინარე ტურნირზე ეს კვარაცხელიას მიერ გატანილი რიგით მეხუთე გოლი იყო. მწვრთნელმა ქართველი ფეხბურთელი მატჩის მიმდინარეობის 81-ე წუთზე შეცვალა.

მიმდინარე სეზონში ხვიჩა კვარცხელიამ ჩემპიონატის რვა მატჩში ხუთი გოლი გაიტანა და ორი საგოლე გადაცემა გააკეთა.

„ნაპოლი“ 20 ქულით ლიდერია და 4 ოქტომბერს, "ჩემპიონთა ლიგაზე", ამსტერდამში „აიაქსს“ დაუპირისპირდება, ხოლო, 9 ოქტომბერს, სერია A-ში „კრემონეზეს“ წინააღმდეგ ითამაშებს.