YouTube-ში სიმღერის მელოდიის წამღერებით ძიების ფუნქციის ტესტირება მიმდინარეობს. ინფორმაცია ამის შესახებ Google-ის ბლოგში გამოქვეყნდა.

ფუნქცია Hum to Search („წაიმღერე, რომ იპოვო“) მომხმარებელს საშუალებს აძლევს იპოვოს სიმღერა, თუ მას წაიმღერებს ან სხვა მოწყობილობაზე ჩართავს.

სერვისს კომპოზიციის ამოსაცნობად მხოლოდ 3 წამი დასჭირდება. ამის შემდეგ YouTube-ი მომხმარებელს აღნიშნული სიმღერის შესაბამის ვიდეორგოლებს შესთავაზებს.

ახალი ფუნქციის გამოყენება YouTube-ის აპლიკაციის Android-ვერსიის გარკვეულ მომხმარებლებს უკვე შეუძლიათ.

ფუნქცია Hum to Search უკვე მოქმედებს Google Assistant-ში, თუმცა 3 წლის წინ ამუშავებულ სერვისს წამღერებული კომპოზიციის ამოსაცნობად 10-15 წამი სჭირდება.