29 აგვისტო, 2022

უნდა დავივიწყოთ ძლიერი რუსეთის შესახებ ლეგენდა, - განაცხადა უკრაინის პრეზიდენტმა, ვოლოდიმირ ზელენსკიმ.

„ყველამ უნდა გაიგოს, რომ ისინი [რუსები] არ არიან ისეთი ძლევამოსილნი, როგორც ბოლო 100 წლის განმავლობაში წერდნენ საკუთარ თავზე. როდესაც ეს ქვეყანა ძლიერი იყო, სსრკ-ს ფარგლებში იყო ისეთი ქვეყნები, როგორიცაა უკრაინა, ყაზახეთი, ბელარუსი, ბალტიის ქვეყნები. დიდი სახელმწიფოს შესახებ ლეგენდა უნდა დავივიწყოთ. ჩვენ ამას ბრძოლის ველზე ვაჩვენებთ“, - აღნიშნა ვოლოდიმირ ზელენსკიმ.

„მათ [რუსებს] არ სურთ მოლაპარაკებები. მათი გაგებით, ეს არის ულტიმატუმი, რომელშიც უნდა ვაღიაროთ, რომ დონბასი და ყირიმი რუსეთის ტერიტორიებია. მათ ცოტა ხნის წინ განაცხადეს, რომ უკრაინამ ასევე უნდა აღიაროს სამხრეთი რუსეთის ტერიტორიებად მას შემდეგ, რაც იქ რაიმე სახის „რეფერენდუმი“ ჩატარდება“, - განაცხადა უკრაინის ლიდერმა.