უკრაინის პრეზიდენტმა, ვოლოდიმირ ზელენსკიმ კურილის კუნძულების იაპონიის ტერიტორიად აღიარების შესახებ განკარგულებას ხელი მოაწერა.

„დღეს მივიღეთ მნიშვნელოვანი გადაწყვეტილება, რომელიც არის სამართლიანი, იურიდიულად უნაკლო და ისტორიული. უკრაინამ დაადასტურა იაპონიის სუვერენიტეტისა და ტერიტორიული მთლიანობის მიმართ პატივისცემა, იმ ჩრდილოეთ ტერიტორიების ჩათვლით, რომლებიც ჯერ კიდევ რუსეთის ოკუპაციის ქვეშ იმყოფება. დღეს ხელი მოვაწერე შესაბამის განკარგულებას. მოვუწოდებთ ყველას, მიიღონ ანალოგიური გადაწყვეტილებები", - განაცხადა ზელენსკიმ.

უკრაინის პრეზიდენტის თქმით, რუსეთს "არ აქვს უფლება ამ ტერიტორიებზე და ეს ყველამ კარგად იცის მთელ მსოფლიოში", ამიტომ, მისი განმარტებით, "საბოლოოდ უნდა იმოქმედონ" და "რუსული ოკუპაციისგან გაათავისუფლონ ყველა ის მიწა, რომლის შენარჩუნებასაც ოკუპანტები ცდილობენ".