პარლამენტის კულტურის კომიტეტის თავმჯდომარე ელისო ბოლქვაძე საქართველოში ბულგარეთის რესპუბლიკის საგანგებო და სრულუფლებიან ელჩს, ვესელინ პეტროვ ვალკანოვს შეხვდა. შეხვედრაზე კულტურის მიმართულებით საპარლამენტთაშორისო ურთიერთობების გაღრმავებაზე ისაუბრეს. „განვიხილეთ კოვიდპანდემიის გავლენა კულტურაზე და სახელმწიფოს მხრიდან აღნიშნული სფეროს რეაბილიტაციისა და განვითარებისთვის გატარებული ღონისძიებები. შეხვედრის დასასრულს, შევთანხმდით თანამშრომლობასა და გამოცდილების გაზიარებაზე კულტურის სხვადასხვა მიმართულებით“, - განაცხადა ელისო ბოლქვაძემ.